الما عاف ريحة الغدر 

والموج ما لقى ما يستر 

حار بين يغطّي يكفنو 

أو يخلِّي ماعذر .

امواج هبَّـت تنطح لمواج 

حالمة والسر مستور وخَّأ ظهر 

عيات المارية ماسترت نعل .

سيدنا قدر جمع القطيع 

" خورزهم " وادفع .

الحريكْ " جرح في جسم الوطن "

سيكاتريس توشم .

 ..........

طلعت صندالة نزلت روح 

لا زاد ولا إكْراكْ 

الغدر من برا ومن هنا 

جمع قطيع وطلقو يرعى في الما 

والما بامواجو وشم علامة المرور 

حرقو الما وطفاو امواجو 

شعلو سد الحدود 

وحفرو ظلامو يغطي ما حداه 

..:.........

وقع اللي وقع 

وغنساو ما وقع 

وبوغطاط إيلا لقى الفجوة غادي يرجع .