هذا البرلماني الشاب، والله ما كنت نعرفو قبل، ومكنعرفوش حتى حاليا، ومنعرفش الخلفيات ديالو والتوجه ديالو، واش مزيان ولا ماشي مزيان. لكن ما قاله اليوم، قلتو أنا في مجموعة من الخرجات ديالي، وآخرها الأسبوع الماضي.

لا يمكن أن نتحدث عن الإصلاح والثقة ديال المواطنين في السياسيين، وهما كاين قانون ديال حالة التنافي مفعل في الجماعات ومغيب مع الوزراء ميمكنش غادي نتق في أي سياسي، كيفما كان النوع ديالو وهو كيستافد من الصفقات العمومية من نفس الحكومة اللي كيسيرها بالملايير.

يصنعو السيارات والروبوتيك والطائرات، وينظمو المهرجانات، ويخدمو تريتور مع الحكومة، وتحلية المياه، واستيراد الأبقار والأغنام والأدوية، وداكشي بالعلالي، الشركات بالاسم ديالهم.

أما ما خفي أعظم: ديال دير شركة باسم طرف ثاني من المقربين ودوزلو الصفقات، أو أنك دير شركة في بلد أجنبي وتشري من المنبع، ودير ليها البيعة الثانية للشركة الوطنية باش تقلص هامش الربح.