بعض النماذج من المدربين خلال هذه الدورة، خاص نردوا ليهم واحد الأسبوعية، كانت كتصدر شحال هاذي، لي مازال كيتدكرها، اسمها أخبار السوق، فيها التقشاب والضحك، وربما تصريحات بعض المدربين وآخرين ،خاصها تنشر فهاذ الأسبوعية، كون كانت باقا.

مدرب البنين قالك آسيدي بأن الفريق ديالو، كان مستهدف، وبلي لعبتوا اللجنة المنظمة  ف الظهيرة

عكس المنتخبات الاأخرى لي كتلعب بالليل، وبلي طنطينة ديال الشمس، هي لي ربما كانت وراء النتائج لي حصد فريقو

واحنا الحمد لله ملي بدات هاذا الكاس، وامطار الخير والثلوج كتهطل، والله يزيدها على قد النفع، أما صاحبنا هذا حرارة الزوال شافها غير هو، ياكما غير الصهد ديال الهزائم، راه دوليبران يعيد الأمور الى نصابها

وفهذا الدورة خاصنا الصبر مع كثير من النمادج، لي غير اجي أفم وقول.