القجع عاد فاق دابا من سبات «أزمة العيد»! 

السي فوزي، دابا عاد تفكرتي أزمة عيد الأضحى وبغيتي تستعملها فالمعركة الانتخابية ضد الأحرار؟ فين كنتي وقتها، ملي المواطن البسيط كان كيتسنى شي كلمة تواسيه، ولا شي مسؤول يتحمل المسؤولية ويشرح ليه شنو وقع؟ دابا، من حقنا نسولوك سؤال بسيط: عطينا البرنامج ديالك والحلول ديالك باش ما تعاودش نفس الأزمة، ماشي غير تحكي لينا على الأزمة وتستثمر فغضب الناس. وما تنساش السي فوزي أنك كنتي جزء من هاد الحكومة، وماشي متفرج عليها من برا. وبالتالي، ملي كتنتاقد حصيلة الحكومة، خاصك حتى نتا تشرح للمغاربة شنو كان الدور ديالك فيها، وشنو تحملتي من مسؤولية فهاد الاختيارات والقرارات. المواطن ما بقاش محتاج لخطاب انتخابي كيلعب على العاطفة ديالو… بغينا برنامج، حلول، ومسؤولية سياسية… ماشي ذاكرة انتخابية كتخدم غير ملي كيقرب موعد الانتخابات. حيت اللي كان داخل للحكومة وقت الأزمة، ما يقدرش اليوم يلبس جلابية المعارضة ويقول: «أنا ما عندي حتى علاقة! تحمل مسؤوليتك الله يرضي عليك بلا ما تبدأ حياتك السياسية بالمرواغات الكوروية.