المونولوج الغنائي الساخر، نوع من الغناء الفكاهي النقدي، يعالج بعض القضايا الإجتماعية في قالب فكاهي هزلي لتصل إلى أذن المستمع في شكل نكتة أو مستملحة. و قد عرف هذا النوع التعبيري مع الفنان الراحل أحمد العماري، الفنان الراحل محمد أبو الصواب، و الفنان الراحل المحجوب الراجي.....

الممثل المسرحي سي أحمد العماري مواليد مراكش العام 1931 ، من الأعلام الوطنية التي حملت معاول النبش في المأثور الشعبي المغربي فأرست الدعائم الأولى لعصرنة الغناء الشعبي بتجارب لامعة، تميز بأسلوب فكاهي في أغانيه لأنه كان ممثلا مسرحيا، بدأ مشواره الفني سنة 1956 مع فرقة الرياضة والشباب قبل أن ينضم إلى مجموعة عبد الصمد الكنفاوي لتجسيد دور في مسرحية "هامليت" وأدوار أخرى...لم يغني إلا ليضحك بحكاياته سواء عن النسيبة أو رمضان أو السير في الطرقات أو غيرها.

لنتذكر فقط...المنسيون !

....

كلمات الأستاذأحمد الطيب لعلج،

ألحان و غناء الأستاذ أحمد العمري .

كنت دري مازال صغير بلا عقل مانعرف اش اندير    

وكان بويا راجل صالح كيخلف خلفة و يطيح  

و كان مبلي بزوج طلق حتى تكنى عمي لحمق

وصبح مضرب الأمثال فالزواج و الطلاق الحلال

ملي ولدني ثبت ورسا مع مي وسماني موسى

وفالسبوع احتفل بيا و شرا لمي فوقية

حلف غير إلا قراني باش نرجع سيد قراني

غير بديت ندوي قال لي زيد شدني وداني لمسيد

غير تشوف الفقيه و تعرفو گال لي طيح على طرفو

أنا زدت نبوس عليه الفقيه بند لي يديه 

بستها وانيا حشمان كان الفقيه شاخد عرقان

گالو بويا آ لفقيه جبتلك الولد تقريه

وإلا تفافا گالو لعصا ماتخليشي من يعصى

و وصاه يتهلى فيا بالمعاصي على رجليا

غير ذبح و سلخ و كفن و صيفطو لي أنا ندفن 

زاد عندو مدلو لفتوح الفقيه رجعت فيه الروح

و گال لو إلى الملتقى و إلا تفاكم را الفالاقا

با خرج وبديت انخمم بالعصا اشيمكن لي نفهم

فاكماتني هاد الهضرة وما تلا ليا مانقرا

الخوف عما ليا لبصيرة وبقيت گاعد عل الحصيرة

وماقضيت حتى ما بيا بالعمود صبحا وعشية

بديت كنخمم فالتابوت و فالقبر و فعذاب الموت 

قعدت فالجامع عشر سنين بحال البهيمة بلا ودنين

زعف لفقيه عمي موحى وشير عليا باللوحة

خرجت بجبهتي مشقوقة وتجمعت عليا جوقة

جاو المقدم والعساع قال دري ما كاين باس

بقيت فالوسط كي الفراجة و على عيني مشات عجاجة

صبحت نخدم عند الخراز باش مانكبرشي معگاز

و كنت متعلم مجتهد تنخدم بالجمعة والعيد

ملي تعلمت هاد الصنعة بديت نتخلص بالجمعة

جا با رحمه الله خاد ليا رزقي وداه

اراني قبل منكبر كان عندي واحد لمجر

و هاد لمجر بالتصريدة و عمرتو غير بالصيدة

جمعت فيه فلوس كتافي وطار لي بهم الوافي

بكيت علمجير الحنين منين خادو داك اللبين

والفلوس حباب آ لصحاب آش يقضي خاوي لجياب 

ملي كبرت وليت معلم مابقيتشي نرضا نخدم

و درت سبعة دالخدامة وجوج متعلمين يتاما

وصرت نحرث على الغشمان كيف دارو لي شي قومان 

ربحت فالصنعة مال كثير بالجبوه و ماكلت الغير

إلا درجت انساك نعاماس حتى المقدم و العساس 

و بالفلوس دركت الكلمة و بديت نتكلم بالحكمة 

ملي رجعت من صحاب الباشا درت فيديا نشاشة 

و كاندوز مشيك شهوة كون تشوفني بديك النخوة

زيان حالي وكسبت المال قلت نتزوج فالحلال

خطبت بنت الحاج حميدة القارية لالا سعيدة

و بنت فنة شفوفية ياغزال وايني هي

وزايدها بالثقافة والثبات مع اللطافة

الادب و الصواب والعقل والشعر ذهبي و مخبل

والزاز متعدي لحدود والعقل و الحشمة و الجود

طلب لي ميات ألف ريال نص مليون بلا تعطال

وگال لي بالسرعة خمم إلا أنت تعطلتي تندم 

صداق بنتي مسعر محدود غير كون دغري واجي گود

ودير هادي فبالك وزيد راه كيخطبها فريد

ورانا طالب لو مليون باش تعرفني اش نكون

ويلا بغيتي ختها خدوج غير عشرين الف بالزوج

غير سمعت كلامو وليت كانتمتم فكل حديث 

دخت بهضرتو فافاني و من تما ثقال لساني 

خفت نزهق يمشي فريد يطير ليا بها ويزيد

مانفعني غير نأدي لي طلب و نبسط خدي

دفعتلو ميات الف وبكيت عل الفراق انا ماقديت

 ومن بعد دفيع النقدة مرضت بالفقصة شي مدة

و فالصبوحي خص مدجة و الخواتم غير بالكرجة

عاد مضمة من الذهب الحر فوق المدجة دالجوهر

عاد خاتم فيها حجرة ميات ألف ريال خرى

والكباش لا تضرب حسبة غير ذبح و سلخ بالزربة 

و الدجاج معاه تفاية فالزرود حديثو آية 

كعب غزال مفند و بلاش مع حليوات اخرين هشاش 

والدي حظرو الحجامة اهل الفن دوك الحكما 

و الجوق عفوا و الاجواق إلا عرفتي اش طلبو تحماق 

بغيت نتزوج و نعرس لقيت راسي كانتهرس

فالزرود و لالة و مالي خفت يتقاضى راس مالي

و إلا خطاو مريضك لفلوس يرجع بكلامو مسوس

تالف و حارت لي الأذهان شوف من حالي يا فنان

يا طبيبي رانا مهبول آش نعمل واش المعمول

ملي الواد بغا يديني مشيت لطبيب يداويني

قال لي عندي دوا فني كايخصك غير تغني

قلت لو وا على أليه ناخدو الغنا لماليه

بديت كانغني بالماية و الطبيب قاعد حدايا

واحد الساعة وقفني قال لي بريتي خلصني

قلت لو حاضر و آش يوجبني بالحق أنا كايعجبني 

لخلاص قريب و ماشي بزاف غير شي خمسة ألاف

واحد الساعة ودعتو و فضراري حصلتو

ملي رجعت راجل كبير هانا قابض البندير