سياسة واقتصاد

هل أصبحت نجاحات ومبادرات المغرب تزعج بعض الأوساط في فرنسا؟

عمر الشرقاوي (أستاذ جامعي)
مال الصحافة الفرنسية عاوتاني مقلقة من المغرب؟ وبلا ما تعاودوا لينا أسطوانة الصحافة حرة ومستقلة، حيث هاد الهضرة ولات ما كتقنع حتى واحد. 

الغريب هو أن كلما دار المغرب شي خطوة لقدّام، وكلما حقق شي انتصار دبلوماسي أو اقتصادي أو استراتيجي، كتخرج علينا بعض المنابر الفرنسية بنفس النغمة ونفس العناوين ونفس محاولات التشكيك. 

واش المغرب ولى كيقلق بعض الأوساط ففرنسا حيث ما بقاش كيتسنى رضاها؟ ولا حيث ولى كيتعامل معاها بمنطق الندية والمصالح المتبادلة؟ او حيث ما عجبهومش تحسن العلاقة بين الرباط وباريس. 

المشكل ماشي فانتقاد واعداد تحقيقات عن المغرب ورموزه، فالانتقاد حق مشروع وتحقيقات عمل صحفي حر، ولكن المشكل ملي كيولي الانتقاد انتقائياً، وملي كتولي النجاحات المغربية مصدر إزعاج ينبغي التشويش عليها بتحقيق، وملي كيتقدم المغرب فشي مجال كيبدا البحث على كيفاش يتحول هاد التقدم إلى تهمة وتشويش وضرب رموز المغرب.

 المغرب تبدل، والموازين تبدلات، ولكن باين أن بعض العقليات الفرنسية ما زال ما بغاتش تستوعب هاد التحول.