خرج النجم المصري محمد رمضان، عن صمته ليعتذر للشاب الذي صفعه في مراسي بعدما أخطأ في نطق اسمه، مؤكدًا أنه لم يتمالك أعصابه وأن ما قام به "لا بطولة ولا رجولة".

وقال رمضان في مقطع فيديو نشره عبر حسابه الرسمي بـ"أنستجرام" علق عليه بـ"الاعتراف بالخطأ من شيم الكبار" : «جمهوري العدل العزيز والأصيل والغالي، ألف شكر وربنا ميحرمنيش منكم، أنا قرأت وسمعت قد إيه دافعتم عني وغلطتم الولد الصغير».

وتابع : «أنا عامل الفيديو دا عشان أعتذر، لأهل الولد الصغير إن إيدي اتمدت عليه وأنا عارف إن هو عيل صغير، ولما غلط أول مرة وشيلتله الكاب من على راسه، ولاقيته عيل صغير وقولتله اسمك إيه يا حبيبي».

وواصل: «لما غلط تاني متمالكتش نفسي، وضربته قلم صغير خلى الكاب يطير من على راسه والتليفون خدته ومسحتله الفيديو، ولو هنعتبر الناموسة وقفت على خدي قلم أنا أستاهل من الناموسة خمسة، لأن أنا مدت إيدي على عيل صغير».

واستطرد قائلا: «ودي لا بطولة ولا رجولة، وحد قالي أكسرله التليفون لكن قولتله لأ هو غلط أهله ذنبهم إيه يغرموا تليفون تاني، ودي الغلطة اللي أنا طالع أعتذر عنها».

وأردف رمضان: «أنا عرفت إن هو من قرية تانية اسمها اللوتس وجاي يتفسح في مراسي، والأمن كانوا هايعملوله محضر لأنه من قرية تانية لكن أنا قولتلهم يروحوه».

وكان محمد رمضان قد أثار جدلا واسعا على مواقع ومنصات التواصل الاجتماعي بعد صفعه الشاب.