العلاقة بين ابن كيران و سعد الدين العثماني تتجاوز 30 سنة يلا ما كانتش أكثر، ومع ذلك ابن كيران خارج بكل وقاحة يأمر الرجل بأن يلزم بيته ويمشي يقابل العيادة ديالو، وهو يبقى يدور في مدن المغرب ينشر التخاريف ويسب الناس.

باش ابن كيران أحسن من العثماني باش يعطيه أمر هاكا؟؟ في الهضرة مثلا؟...

سعد الدين العثماني دكتور وطبيب نفس محترم، دوز الأمانة العامة لحزب العدالة والتنمية في أكثر من مناسبة، وكان رئيس الحكومة، فاش خرج من الحكومة رجع للعيادة ديالو ما طلب معاش ولا گريمة.. في حين ابن كيران يعلم الجميع أن قرب يبكي باش يشد داك التقاعد السمين حيث ما قادرش يخدم..

سعد الدين العثماني كان دائما رجل التوازنات في الحزب، وفاش كترون كيلقاوه هو، في حين ابن كيران كان دائما رجل الصراعات وكيجيبوه غير الوقت اللي كيبغيو يضاربو، ولولا العقلاء في الحزب اللي مشاو دابا، لشحال هادو خربات عليهم..

المصيبة أن هناك من يبرر وقاحة ابن كيران مع العثماني.