[ kafapress.ma ] :: ها أنت شوف بلا دهشة بلا خوف ف لبلاكة اللولى وف البلاكة الثانية
kafapress.com cookies
يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك.      قبول      التفاصيل
Hautأعلى الصفحة
الرئيسية
الثلاثاء 02 يونيو 2020 العدد : 3343


ها أنت شوف بلا دهشة بلا خوف ف لبلاكة اللولى وف البلاكة الثانية

C??EC?E    ?IE? ?I??C    FaceBook      
بوعزة صنعاوي
فن وإعلام
| 23 ماي 2020 - 23:11

( شوف مزيان ف لبلايك ليقدام المدرسة )
هاذ الوطن علينا عزيز
وطالبين ليه التسليم .
شفنا وزارة التجهيز
فبلايكها ..
عارفة حال التعليم .
ها أنت شوف
بلا دهشة بلا خوف
ف لبلاكة اللولى
ملي كانت لبلاد ع المدرسة معولة
 " ولد مع بنت
ها زين لكتوب
وغاديين لقراية "
ف لبلاكة الثانية
الدنيا هانية
 "  ولد تابع بنت
لايحين لكتوب
وتيجريو عراية"
صبرنا ..  تقنا
وعينا ..  عقنا
رگدنا  ..  فقنا
لقينا مغرب مسقي
ومغرب باقي بور .
قراية بالفلوس
ومدرسة فابور .
والحرف لتولد
يحلف عندنا لا بات .
سدينا المكتبة
وحلينا المحلبات .
كذبنا الطّبة
ونشرنا الرقية ولحجابات .
ياااا خييي
كانت عندنا مدرسة وحدة
قول مغرب واحد .
وحل منا بطريق الوحدة
ولا حد منا كان بالوطن جاحد .
ونعقل ..
كانو الناس بحال الناس
ذهب مزوج نُقرة .
وكانو يضربو البقالة والفاس
ومأمنين ايمان الفُقرة .
لكن عارفين لبغى يخدم
خاصو يجتهد ويقرا .
وعفاك اااا خييي
لاتبكي لا تنوح .
ويلا هاج هاذ البر
وغرقت السفينة بنوح .
انا ما باغي بحر
ما طامع ف فلايك .
ما طالب منك جيم
ولا تزيدني لايك .
انا بغيتك ترد المحفظة
للتلاميذ ف لبلايك .
 ( وشوف مزيان ف لبلايك ليقدام المدرسة)




مواضيع ذات صلة


الاتصال بنا

© جميع الحقوق محفوظة 2011
جريدة إلكترونية مستقلة تصدر عن الشركة kafapresse - S.A.R.L
الإيداع القانوني طبقا لقانون الصحافة والنشر المؤرخ بتاريخ 10غشت 2016: عدد 1 - 017 ص ح
Patente : 25718014 - RC : 104901 - I.F : 3370680 - CNSS : 4111829 - ICE : 001799721000071