دق ..  دق .. دق

دق ..  دق

دقيت

قلت زعما ندخل الألفية .

انا و ولدي قدور

ومراتى الرابعة صفية .

لقيت الظلام فرخ الظلام

وانوار لعقل عليا مخفية .

الخبز يزيد ع الخبز

والما ..

باقي مخزون فالمطفية .

لقيت زهري .. 

فالتاريخ مكفح

و فالارض قراعيه مكفية .

للقيت جدة ..

باقه حيا فعيالاتي

ولقيت جدي باقي عايش فيا .

تنشوف ولادي

ف خرايفو هامو .

قول زادو

وترباو فوهامو .

وانا

ورث جلابة جدي .. 

ولبست فالاعياد سلهامو .

وكلامنا :  قال جدي ،. قال جدي

وكلامنا كلو من أقوالو .

جدي هو جدي

قول احنا ، ما قلنا والو .

....

..

.

ها أنا كبرت

وصار شيبي كبة .

وتميت گاع الاسباب

ولا بقات لي فالتاريخ سبة .

وقلت لولدي "قتلني"

حيث انا ...

ما قدرتش نقتل ابا .