الرئيسية
النص الذي يبحث عنه الجمييييع..لصاحب التجربة التي نمت في صمت الشاعر الكبير سعيد بازين
جرّب تموت
غَ بلعاني
ضاحوكي
موتة الحمار زعمة
و شوف
من تحت الكفن
سجل فيديو
بالفن
أصدق فيلم غتشوفو في حياتك
صورة و موت
شوف
شحال من شوفة شافتو
سجل الطوندونس
شوف
شكون حداگ ف جميع الوراق
شكون أحسب العواد في التفراق
شكون بكا من نيتو حرّ الفراق
شوف
بنص عين و حضي إلا يشوفوك
شوف
الغسّال
ملي شاف وسخك
آش گال
شوف
شحال من جوف سخنوه
ذوك اللُگمات
شوف
واش الميت
نيت كيتعذب بالغواث
شوف
ذوك اللي گلتی أنت كيبغوك
واش في الگنازة تبعوك
شوف
شكون قبّلك
شكون قبّرك
و وقف يترحم عليك
شوف
واش الدود عزيز عليه الموت
و لا غ يعافك كيف عافوك الخوت
شوف
أما أكثر واش عذاب القبر
و لا هاد عيشة الزمر
شوف
سجل
أحسب
بوحدك باش يشيط ليك
حس
و رد
عليّ أنا الميّت جنبك الأخبار
#گلت_أنا
