فن وإعلام

شيزوفرينيا إذاعية

عبد اللطيف المبرع (إعلامي)

الى اي حد تقود المنافسة على زيادة نسب الاستماع في بعض الإذاعات؟؟؟

اعرض على قارئي هذه السطور فكرة عن مضمون برنامجين للتواصل المفتوح مع المستمعين في إذاعتين من الجيل الجديد الذي يفترض انه أتى ليسهم في ترسيخ مسار حداثي انخرطت فيه البلاد،واترك لكم التعليق

الحالة الاولى:الرقيا التي تعوض  كافة العلوم،بإضافة العسل!!!(إذاعة شدى)

١//. ....السلام عليك  أستاذ فؤاد،،،،،

وعليكم السلام!

أستاذ انا امرأة ماتوا لي سبعة ديال الأطفال،قبل الزيادة،وفي كل مرة كانحلم شي بقرة كحلة،ولا شي حيوان...تابعني وكا يقول لي :أعطيني ولدي!!

الاستاذ:واش كا تحلمي فيه حاط يديه على كرشك ؟

جواب:نعم الاستاذ 

(......)هدوك الأطفال يبينوا ليك بيت في الجنة ان شاء الله،وانت عليك بالرقيا الشرعية ،تشوفي شي واحد صالح يعمل ليك رقيا،وديري شوي ديال العسل في الماء،واشربيه،العسل مهيييييييم !وان شاء الله تعالى ،يكون العلاج............

٢// السلام عليكم 

وعليكم السلام

أستاذ انا شابة،وحلمت  ان واحد الجني ضاجع نئ في الليل،واش تغتسل ولا لا؟!!

الجواب:اذا خرجات منك شي حاجة،خصك تغتسلي بالماء،واذا ماكانش الماء موجود.....لاباس،بلا ما تغتسلي!!!!!وعليك بالرقيا،

٣// أستاذ فؤاد،انا من مكناس، عندي 37سنة،مني كنت صغيرة وانا كاننتف شعري،وبعض المرات كان ناكلو!!!(تتدخل المذيعة منشطة البرنامج)(انت اللي اتصالات بنا أمك في البرنامج هذا الصباح؟؟؟نعم،،،عرضت  علينا الحالة ديالك!!)

أستاذ اخيراً كنت حاملة،وجاني الوسواس،ومشيت سقطتو،ومن بعد اندمت!!!

ااااااااه،انت كا يدير الشيطان لعنه الله الوسواس،"واما ينزغنك من الشيطان نزع فاستعد بالله ،"انت خصك شي إنسان صالح يعمل رقيا، ماشي اي رقيا،هناك شي مشعودين وشي ناس الله يهديهم ما عارفين والو،خاصك رقيا مزيانة

أستاذ واش ممكن نتصل بيك،أمي داتني عند  الأطباء،وعند الفقهاء،،،،ودوو

المذيعة تتدخل :يمكن ليك تتصل بهذا الأرقام 05..05... بعد نهاية البرنامج،وهما غادي يعطيك الرقم !!!!!!!!!

 

الحالة الثانية:::تضخم المعرفة بعلم النفس(ميد راديو)

 

آلو،الدكتور الدرييييييييييييبي،شحاااااال هذا وانا كان تصل،عاد اليوم شديتك!!!

اهلًا وسهلا،شكون المستمع الكريم،آش عندك؟

انا فلان بن علان،من وجدة،اخوي انا عندي مشكل مع المرأ ديالي،ماعرفتش مالها؟؟

المرأ ديلك منين؟

من فكيك

من فكيك؟؟!امشيتي فيها يا مسكين،عرفت علاش ؟

لا ،علاش؟؟

حيت العيالات من فكيك رقيقات بزاف ،وكايبغيورالراجل عند مشاعر!!

اخوي ما عرفتش، واش الفشوش،واش شي حاجة اخرى،

تتدخل المذيعة:سي فلان،سوف نواصل بعد هذا الفاصل:

ترررن ترررن ترررن:عندك مشاكل نفسية،عندك مشكل تربية الأبناء،اطرح مشاكلك مع الدكتور،،،،،برنامج  برعاية أومو و،،،،بايكون

عودة الى البرنامج

 

شحال وأنتما مزوجين؟

شي ست سنين ولا سبعة 

عندكم وليدات؟

زوج بنيات 

دوزنا تلاثة سنين بحال في الجنة،انا كنت وووواعر ،وخايب شويا،وهي كانت ظريفة،انا اعترف،ودابا، تبدلت،انا وليت ظريف،وهي في شكااااال؟(....)المشكل هو الفلوس،باغية نعطيها 200درهم تخلص الحضانة للبنات،حيت هي ولات خدامة في السيكوريتي بريفي،وما باغياش توصل ألمانضا ديالها،وانا ما كايبقى ليا والو

شوف آسي،،،،،،،،هذا مشكل آخر دابا،دابا هذا كا نسميه contentieux،عرفتي شنو هو contentieux؟؟دابا المرأة كا تكون خاصها الجماع،ولا خاصها المتعة الجنسية في الفراش،وإلا الإيلاج ماشي هو هذاك،ولا نقصان في التعبير عن المشاعر،وكا تستحي، وكا تعبر عليها بأنها ناقص الفلوس ولا كذا،،،،،،

 

هذا هو التحليل النفسي وإلا فلا!!

بالإمكان الإتيان بامثلة  اخرى،من إذاعات اخرى،في اي فترة من فترات اليوم،وكان التنافس مشتد على انتاج الغث والرديء،

اكتفي بهذا القدر،وأدعو الطلبة والباحثين الى الاهتمام بهذا الجانب من المضمون التواصلي في البرامج الإذاعية التي يبدو انها أصبحت المادة الإعلامية الاساسية لبعض الإذاعات.

ومعذرة عن بعض الاسهاب ،وبعض الأمانة في نقل مفردات وتعابير تخدش المسامع 

الى اللقاء