رأي

بوعزة الصنعاوي: كان فريقنا من شمع ... غير وصل للحر ذاب

قرب ليا وسمع..

را الهم عداب .

العين رآها تدمع

حيث الحلم كداب .

كان فريقنا من الشمع

غير وصل للحر داب .

واااخ

عندنا شي لعيبية فالبطولة

تجريدة هما وطولة

وفالصح ..

قول صح من طولا

واحنا ادينا قباب

مسندين على سطولة

ها لتحسينتو عوجة

ها لرجلو مبطولة

 

والجمهور تاه

وفقلو شعلت نيران

الواقفين فالجوامع

والشاربين فالبيران

قالوا مال اسودنا

غير فسخو

فالحر مسخو

وولاو فيران

قول قرود تايهين فالتيران

وجمهور هاد الدولة

قال لا حولة

وبدأ يشجع فرقت الجيران