لا زالت تتوالى ردود الزميلات والزملاء، على نتائج المؤتمر الوطني الثامن للنقابة الوطنية للصحافة المغربية، وتنهال التعليقات على إعادة إنتخاب عبد الله البقالي وتشكيلة المكتب ككل.

من بين هؤلاء الزميل يوسف الساكت الذي كتب تدوينة نشرها على صفحته في موقع التواصل الإجتماعي فيسبوك، وحملها خيبة امله في النقابة وأشغال المؤتمر وتفاصيل اخرى تجدونها في نص التدوينة التالي:

"نهااااار غادي يولي المعيار الأساسي د العضوية والترشيح في أجهزة النوووقابة د الصوحافيين هو عدد المقالات والأخبار والروبوتاجات والحوارات والتحقيقات وإدارة البرامج والإنتاج الإعلامي في الجرائد والمواقع والتلفزة والراديو..كونو متأكدين أن مجموعة من الكائنات الطفيلية الصغيرة ستندثر وغادا تمشي لأقرب مزبلة فيك يا تاريخ..وغادي تسالي هاد الكميلة والريع والامتيازات والتعويضات والسفريات والتفرغات و"المناصب" للي مهزوزة عليها السكاكين والشواقر والسيوفا..

في المغرب بوحدو كاينة فئة د #الحووووفارة للي ملي كيطلع النهار وهما كيقلبو على الأخبار والسكوبات والمصادر وخارجين الميدان في جميع فصول السنة بلا عطل وبلا كونجيات بلا راحة .. كيغيبورتيو ونافيكَِيو ويسجلو او يغطيو أحداث وتظاهرات وندوات ومؤتمرات وشادين الطريق والمخاطر.. ويرجعو البيروات باش يكتبوا ويقطعوا الفيديوهات ويركبوا وينشرو.. وشحال من مرة كيبقاو إلى ساعات متأخرة من الليل خارج الدار وبعيد على أسرهم وولادهم..

جزء كبير من هاد الفئة الأولى لا مكان لها في نقابتهم..ووجودها غير مرغوب فيه اصلا لأنه محرج ومخجل وعاار على الفئة الثانية #المهيمنة للي معندها حتى شغل آخر غير "النقابة" والاجتماعات والقهاوي والعراضات والوطيلات والسهرات والقصاير.. فئة مشغولة حد الهَوَس بالتكوليس والدسائس والترتيبات وإعداد اللوائح واللوائح المضادة وتقريب الأصدقاء والموالين ومحاصرة الخصوم والأعداء!!!!..

هذه هي الصورة المقربة د جسم إعلامي مختل كيظل نهار وماطال وهو كيعطي الدروس الآخرين وللمجتمع والدولة والمؤسسات والأشخاص والأحزاب والنقابات ويناظر في الأخلاق والمهنية والالتزام.. وهو حتى عتبة بيتو الموسخة مقدرش ينظفها...!!!

لذلك..!!!!!                             

فهاد شي للي وقع هاد الأيام في مراكش في شي مؤتمر د الصوحافيين... هو نتيجة #طبيعية وحتمية لمسار وتاريخ طويل من #سرقة النقابة من الصحافيين المهنيين الحقيقيين المنتجين من طرف الكسالى وصائدي الهموز ومطاردي الريع اينما حل وارتحل..

هاد شي عطاااات ريحتو بزاااف..وخاصو يسالي في اقرب وقت الخوووت..وإلا كان لنا معكم كلام اخر لن يعجب أحدا...

عيقتوووو...بزاااااااف

ولا كنَّا حنا ولاد_الناس كنحشمو ومراعييين حق الزمالة والصداقة #وملح_المهنة... متكونوش نتونا شي حاجة خرى من غير ولاد الناس!!!"